Die polisie stel ondersoek in nadat ’n brand oor die naweek die skoolhoof se kantoor en ’n klaskamer van ’n hoërskool naby Pampierstad in puin gelê het.
Die skoolhoof van Mothelesi Secondary School in die Shaleng-nedersetting het Saterdag omstreeks 06:00 ’n oproep van ’n leerder ontvang wat naby die skool woon. Die leerder hom meegedeel dat die skool brand.
Die presiese oorsaak van die brand is nie in dié stadium bekend nie, maar daar word vermoed dat die brand gestig is.
Elias Malindi, woordvoerder van die provinsiale departement van onderwys, sê twee fotostaatmasjiene, ’n drukker, ’n yskas, klaskamermeubels en skoollêers is tydens die brand beskadig.
Leerders wat veronderstel was om Saterdag ekstra lesse by die skool by te woon, kon weens die brand ook nie met die lesse voortgaan nie.
Viola Motsumi, provinsiale LUR vir onderwys, het sedertdien die brand veroordeel.
“Sulke voorvalle vertraag die lewering van gehalte-onderwys aan leerders.”
Volgens Motsumi gaan hierdie voorval boonop bestaande agterstande in die verskaffing van infrastruktuur vererger. “Ek wil ’n beroep op die wetstoepassingsagentskappe doen om diegene agter hierdie afskuwelike voorval vas te trek.”
Jy hoef nie ver te gaan soek nie ons seker een van daardie volwasse leerders wat n probeem het en die oplossing brand die skoolhoof se kar en of die skool.
Brand kultuur – cANCer se voorbeeld!
Viola Motsumi, wat is jou definisie van gehalte onderwys?
Stem saam cANCer is die oorsaak
Ek sou nooit kon dink dat ons sal terugkeer na die steentydperk toe nie.
Ons is vinnig oppad. My gesk onnie het altyd gese: History repeats itself and then it’s always back to basics. Die spul versnel dit net
Daar is sekere leerders wat in verbeteringskole hoort en van hulle is oud genoeg om tronk toe te gaan
Brand vandag die skool af want hul is vies vir die hoof. Môre betoog hulle oor die skool afgebrand is.
Gehalte-onderwys?????????? Ons ministers het geen benul van gehalte onderwys nie.
President het nie n benul wat in land aangaan nie!!
En dit te midde van te min skole. Hoe stompsinnig is iemand wat als net afbrand? Baie min grysstof wat so maak.
Ek dink die leerders hou nie baie van die Saterdag skool nie
WOW !!! Dit gaan lekker in SA, brand af,….. en môre word dit weer opgerig.
Ja nee, nie eers ‘n 30%er, meer ‘n 10