Sunette Bridges in hof oor haatspraak

Sunette Bridges. Foto: Facebook

Sunette Bridges. Foto: Facebook

Die sanger Sunette Bridges moet Dinsdag in die gelykheidshof in Kaapstad verskyn nadat sy van haatspraak beskuldig is.

Die Menseregtekommissie (MRK) het Bridges daarvan beskuldig dat sy kommentaar op haar Facebook-blad toelaat wat op haatspraak neerkom.

“Die MRK voer aan dat me. Bridges artikel 10 (1) van die Wet op Gelykheid geskend het deur haatspraak te pleeg en dat sy ook artikel 11 van die Wet geskend het wat handel oor teistering op grond van ras,” het Brigit Rubinstein, die kommissie se regsverteenwoordiger, in ‘n verklaring gesê.

“Die MRK het versoek dat me Bridges onvoorwaardelik om verskoning moet vra op al die Facebook-blaaie waaroor sy primêre beheer het en dat sy alle vorme van teistering- en haatspraak van hierdie blaaie moet verwyder,” het Rubinstein gesê.

Volgens die kommissie het hy al vir ʼn aantal jare klagtes van die publiek ontvang oor die beweerde haatspraak op die sanger se Facebook-blaaie.

Isaac Mangena, woordvoerder van die kommissie, het gesê hul hofstukke bevat talle voorbeelde van “gewelddadige haatspraak en rassistiese kommentaar” wat op Bridges se Facebook-blad verskyn het.

Die MRK het Bridges hieroor genader, maar sy het glo ontken dat sy enige oortreding begaan het. Volgens Mangena het Bridges deurgaans die tipe kommentaar op haar blad toegelaat, en het sy dit effektief goedgekeur en ‘n platform geskep vir rassistiese haatspraak.

“Die wette is vir ‘n rede in plek en in ‘n land wie se geskiedenis wentel om rassisme en onderdrukking, en met daadwerklike pogings wat aangewend word om vorentoe te beweeg in hierdie verband, het mense wat openbare forums skep ‘n verantwoordelikheid om die wet te gehoorsaam en op te staan teen haatspraak en rassisme,” het Mangena gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

98 Kommentare

jongste oudste gewildste
Lillian

ek is nie ‘n Sunette Bridges “fan” nie, maar wat van al die anders kleuriges wat haatspraak spreek ? Daar kom niks van nie, maar boeta, laat ‘n blanke persoon net iets sê wat klink na haatspraak en rassisme en jy sit met jou gat in die tronk!

Schalk

Eerstens. Julle kan haar nie n sangeres noem nie, sing kan sy gewus nie en is ook maar net bekend vir wie haar pa was. Tweedens. Ek wil graag n beroep op die vrou doen om n organisasie of beweging te stig sodat ons kan sien hoeveel volgelinge sy werklik het. Die indruk wat ek van haar kry is dat sy nie sal rus voordat daar bloed vloei nie. Miskien moet sy gaan kyk hoe haar volgelinge opweeg teen die meerderheid, as sy dan nogsteeds dink sy staan n kans, is my vermoede omtrent haar korrek.

Petrus van Eeden

Ek het baie groot respek vir mense soos Sunette wat vir ons Afrikaners opkom. Ek het baie groot waardering vir jou durf Sunette. Baie min van my mede-Afrikaners het die moed wat jy toon. Ek wens jou heel veel sterkte!

Thys Human, Pretoria

Sy het op haar FB van die klagtes teen haarv genoem. As dit waar is dat sy van daardie goed aangekla word, is dit een van die grofste aantastiungs van vryheid van spraak en rassistiese vervolgings teen iemand wat nog in hierdie skewe land ingebring is. Indien dit waar is, word haar lys van plaasaanvalle waarin wittes gedood en gemartel is, as rassisme beskou en moet sy ophou om sulke lyste op te stel!

Maar laat ons hoor wat sy hierdie beweerde kommissie.

Sterkte, Sunette.

david ras

Jip Thys. ek is met jou. Ek het ook die klagte gelees en ek wag nou om te sien hoeveel daarvan ‘n hofsaak gaan oorleef. Ek meen as Sunette haar kaarte reg speel kan hier dalk nog ‘n klag van kwaadwillige vervolging teen die MRK uitkom. Voeg sommer “vrugtelose uitgawe” by want die MRK werk op publieke geld.
Ou Steve is blykbaar ook gedagvaar,deur dieselfde bende. Lyk my mense raak nou paniekerig oor sekere waarhede wat nou wereldwyd inslag vind.
Maar dan. benoude katte maak benoude spronge ….of hoe ?