Argieffoto bloot ter illustrasie. (Foto: Tania Heyns/Maroela Media)
ʼn Berugte taxibaas wat in die Wes-Kaap gesoek is op verskeie ernstige aanklagte is Sondag in die ooste van Pretoria vasgetrek.
Die verdagte, wat onder meer gesoek is vir misdade wat moord en poging tot moord insluit, is in die Silver Lakes-omgewing vasgetrek waar hy na bewering weggekruip het om inhegtenisneming te vermy.
Volgens kapt. Frederick van Wyk, polisiewoordvoerder, het die inhegtenisneming gevolg ná ʼn ondersoek en operasie deur verskeie taakspanne van die polisie. Hy het gesê die hoëprofiel-taxibaas is onder meer gesoek in verband met ʼn saak van moord en twee sake van poging tot moord in Nyanga. Ander aanklagte teen hom sluit in afpersing, bedrog, intimidasie en die besit van ʼn ongelisensieerde vuurwapen.
Die polisie het tydens die inhegtenisneming op ʼn 9 mm-pistool, ammunisie, skootrekenaars, selfone en ʼn wit Ford Ranger-bakkie beslag gelê.
Die verdagte sal na verwagting Maandag in die landdroshof in Pretoria verskyn.
Behoort voor Maandag middag weer vry te wees.
“electricmango” Ja????
Dis uitstekende werk was seker n hindernis vir ander misdaad base.Verklaar sommer daai bakkie aan die staat dan kan die polisie nog privaat vervoer bevorder.