‘n Bus brand Maandagoggend in Khayelitsha. (Foto: Twitter)
Lede van die Wes-Kaapse blitspatrollie wat strategies ontplooi is, het Maandagoggend drie verdagtes in Delft in hegtenis geneem en beslag gelê op 13 petrolbomme.
Beamptes het omstreeks 10:45 ʼn Toyota Quantum-minibus en ʼn motor opgemerk wat ʼn meubelafleweringsvoertuig agternasit. Dit het voorgekom of die bestuurder van die afleweringsvoertuig baie gespanne is en die beamptes het vinnig reageer en verdere bystand versoek.
“Hulle het die 15 sitplek-minibus en motor voorgekeer en dit deursoek,” sê brig. Novela Potelwa, woordvoerder van die polisie. “Beamptes het op 13 petrolbomme afgekom en die verdagtes is in hegtenis geneem.”
Die verdagtes, tussen 28 en 32 jaar oud, het glo sterk bande met die taxibedryf en sal na verwagting binnekort in die hof verskyn.
Die afleweringsvoertuig is intussen veilig uit die gebied begelei deur polisiebeamptes.
Stad Kaapstad se wetstoepassers het steeds ʼn sterk teenwoordigheid by brandpunte en die taxistaking word steeds gemonitor.
Maroela Media het vroeër berig die taxivereniging Santaco se beplande staking in die Wes-Kaap is in volle swang en het binne ure reeds verskeie verkeersopeenhopings en die brand van busse en ’n skool tot gevolg gehad. Daar is ook vroegoggend na bewering skote op ’n bus afgevuur.
Hulle base moet aangekla word van poging tot moord
Ons kan se wat ons wil maar daar is vinnige optrede en stabilietyd in die Weskaap
Petrolbomme…..terrorisme.
Goeie werk SAPD
En natuurlik ontken die Taxi base enige betrokkenheid by die verwoesting. Waar is die minister of gaan daar weer vinger na die DA gewys word?
Taxi’s bly n gemors, geen respek vir niemand en dink hulle is n wet op hulself, hoog tyd dat die regering en provisnies ingryp
Ongelukkig is dit die DA en Kaapstad se eie skuld dat die taxis ook Kaapprovinsie oorgeneem het. Kyk wat gebeur in ander dele van die land. Die is maar net die begin vir die agtetuitgang van die Kaap provinsie