Die omstrede Bela-wetsontwerp, wat Donderdag voor die Nasionale Raad van Provinsies (NRP) bespreek moes word, het ʼn onvoorsiene terugslag beleef.
Wynand Boshoff, die VF Plus se woordvoerder oor onderwys, sê dit is nie in die voorgeskrewe parlementêre lys vir aankondigings, tertafelleggings en komiteeverslae (ATC) gepubliseer nie wat beteken dat die NRP dit nie vandag kon hanteer nie.
“Alle dokumente vir toekomstige handeling in die parlement moet in die ATC gepubliseer word.
“Die wetsontwerp moet nou eers behoorlik in die ATC gepubliseer word voordat die NRP dit kan goedkeur.”
Boshoff sê daarna moet dit eers na die Nasionale Vergadering (NV) terugverwys word, omdat die NRP die teks wat die NV vroeër goedgekeur het, gewysig het.
“Intussen spoed die huidige parlementêre termyn vinnig ten einde.
“Indien elke tegniese hekkie nie betyds oorgesteek word nie, kan die volgende regering dalk die kans kry om ʼn beter wet te aanvaar.”
Ons bid nie verniet nie, die Here slaap nie!
Netso GWS. Ons glo ons God (met hoofletter G) luister as ons bid.