Argieffoto
Ses tieners is Vrydagaand in Durban in KwaZulu-Natal in hegtenis geneem nadat hulle in ʼn skietgeveg met polisiebeamptes betrokke was.
Brig. Jay Naicker, woordvoerder van die polisie, sê in ʼn verklaring polisiebeamptes van die noorde van die stad het ʼn verdagte motor opgemerk waarna hulle probeer het om die motor tot stilstand te dwing.
Die insittendes van die motor, almal tussen 15 en 16 jaar oud, het egter met die motor weggejaag waarna die polisiebeamptes die motor agternagesit het.
Volgens Naicker het die tieners by Dumisane Makhaye-hoofweg skote op die polisievoertuig afgevuur. ʼn Skietgeveg tussen die twee partye het gevolg en een van die tieners is in die proses gewond.
Die gewonde tiener is onder polisiebewaking na ʼn hospitaal geneem en sy makkers is op die plek in hegtenis geneem en na die Greenwood Park-polisiestasie geneem waar hulle van poging tot moord en die onwettige besit van vuurwapens en ammunisie aangekla is.
Die tieners is sedertdien in die sorg van hul ouers vrygelaat en sal na verwagting Maandag in die Durban-landdroshof verskyn, sê Naicker. Die gewonde tiener sterk in die hospitaal aan.
Liewe hemel, 15 en 16jariges wat op polisie skiet. Waar kry hulle wapens? en n voertuig? En dan sonder n bestuurders lisensie? Sluit toe sou ek se.
Sluit sommer ook die ouers toe, sou ek sê…
Hoekom is hulle veygelaat? Hoerdie is die toekomstige moordenaars en bendebase.
En gaan dit seker wees ” ag shame hul is nog jonk ” of ” Dit is hul omstandighede wat dit veroorsaak het of “Hul is nog jonk en inpilsief” als net om hul so kort en min moontlike straf te gee.
Die ouers moet dit maar ontgeld, hierdie kinders is nog te jonk, Maak net ‘n voorbeeld van die ouers, dit sal al baie help. Geen verskoning dat hulle nie geweet het nie. As jy kinders wil he, gaan dit met groot verantwoordelikheid gepaard.
Die “tieners” moes GLADNIE vrygelaat gewees het nie.Hulle is duidelik reeds harde misdadigers en hoord as sulks tussen ander geharde misdadigers.
hoort
Geen disipline veroorsaak die dinge. En nou is hulle maar by ouers vrygelaat.
15/16 jariges (sonder bestuurders lisensies) jaag weg vir die polisie EN skiet op die polisie….something is seriously wrong in society! Nou is hulle vrygelaat in die ouers se sorg….in die ou dae sou hulle verbeteringskool toe gestuur word
Die huidige leiers van ons land het in die jare 70’s ons jeug begin leer om wetteloos te lewe. Die euwel sal nooit kan omgedraai word nie.
Duidelik weet die ANC nie hoe om van hierdie monster wat hulle voor 1994 geskep het ontslae te raak nie.
“monkey see,monkey do”
In die sorg van hulle OUERS????? Die wat hulle in die eerste plek nie opgevoed het nie? Regtig?
Ek praat geen geweld goed nie, maar die jeug ruk totaal hand uit. Iewers moet hulle ore kry!
@asmain
stem saam met jou
misdadigers van kleins af, sluit hulle toe tot verhoor en straf hulle soos misdadigers
misdadigers hoort in die TRONK onge-ag jou ouderdom
Die “ouers” was nie voorheen baie suksesvol in hul opvoedingstaak nie, was hulle?? Nou word dié bende weer in hul “sorg” vrygelaat? Die land is siek man!
Geharde kriminele in opleiding.
Wie moet ons bedank.
Seker maar TV Programme waar kriminele as n gewoonte op polisie skiet
Kan jy dink!!!!!! ” In die sorg ” van sulke ouers.
Die kinders word in die sorg van hul ouers vrygelaat? Maar hul was in die sorg van hul ouers…. Nou net weer afgelaai by die huis? Dit is duidelik dat dit nie gewerk het vroeer nie..wat laat hul dink dit sal weer werk?
Kinders wat nou al misdadigers is … hoe het hul ‘n voertuig in die hande gekry …. baie vrae … min antwoorde … ouers moet maar verantwoordeliheid aanvaar … o ja, ekt vergeet, ouers is mos hul kinders gehoorsaam …