Twee dood toe trok van brug af ry

Foto: ER24

Foto: ER24

Twee mans is dood nadat ʼn vragmotor op die R114 by Diepsloot, noord van Johannesburg, van ʼn brug af gery en in ʼn rivier beland het.

Russel Meiring, woordvoerder van ER24, het gesê die vragmotor het op sy dak binne-in die rivier te lande gekom. Twee mans se liggame is binne die vragmotor gevind nadat hulle aan veelvuldige beserings beswyk het.

“Nooddienste moes spesialistoerusting gebruik om die liggame uit die wrak van die vragmotor te sny. Die verkeer is erg ontwrig weens die ongeluk,” het Meiring gesê.

Die ongeluk sal deur die polisie ondersoek word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.