Paramedici het die mans op die toneel behandel voordat hulle na hospitale gehaas is (Foto: Verskaf)
Die polisie in KwaZulu-Natal ondersoek ’n saak van poging tot moord nadat vier mans Saterdagaand buitekant ’n nagklub in Greyville, Durban, geskiet is. Die mans was oënskynlik die uitsmyters van die nagklub.
Volgens konst. Thenjiswa Ngcobo, polisiewoordvoerder, is die polisie van die Durban Sentraal-polisiestasie omstreeks 22:05 na die nagklub in Harveyweg ontbied.
“Volgens inligting het ’n voertuig, sonder ’n nommerplaat, verby die nagklub gery. Een van die insittendes het op die mans losbrand,” sê Ngcobo.
Shawn Herbst, woordvoerder van Netcare 911, sê paramedici van Netcare 911 is na die toneel ontbied en het daar die mans aangetref. Twee van die mans het ernstige beserings opgedoen, terwyl paramedici die ander twee vir matige tot ernstige beserings behandel het.
Al vier pasiënte is na nabygeleë hospitale gehaas vir verdere mediese behandeling.
Die polisie ondersoek die omstandighede rondom die voorval en ’n saak van poging tot moord is aanhangig gemaak.
KZN met trotse die mees geweldadigste provindie in die land.Hier is alles om jou hare te laai rys.Maar veral moord is die spesialiteit.Die mafia beheer die provinsie en selfs polisie sal twee keer dink om met hulle swaarde te kruis.
Niks wat mens hoor skok ons meer nie.
Dis waar