Die Parkweg-polisie in Bloemfontein is op soek na drie verdagtes wat Dinsdag ʼn veiligheidswag doodgeskiet het toe hulle ʼn vrou probeer beroof het. Die veiligheidswag het die vrou te hulp gesnel.
Volgens brig. Motantsi Makhele, woordvoerder van die polisie, het die vrou omstreeks 17:30 haar man by haar sakeonderneming in Henry-straat in die middestad gaan oplaai. Twee veiligheidswagte wat die munisipaliteit se parkering laer af in die straat bewaak het, het gesien hoe twee onbekende mans die vrou in haar wit Toyota Fortuner probeer beroof.
Die veiligheidswagte het nader gekom om haar te help. Een van die verdagtes het ʼn skoot afgevuur en die 46-jarige veiligheidswag raakgeskiet. Hy is op die toneel dood.
Die verdagtes het van die toneel gevlug. Niemand is nog in verband met die moord in hegtenis geneem nie.
“Ons doen ʼn beroep op die gemeenskap om te help om hierdie genadelose mense op te spoor wat die veiligheidswag geskiet het bloot omdat hy ʼn weerlose vrou probeer help het” sê Makhele.
Die polisie versoek enigiemand met meer inligting om met hulle in verbinding te tree deur die ondersoekbeampte, Malefetsane Ramolula, by 082 525 2603 te skakel.
Bring die doodstraf terug. Regering verwys na menseregte? Wat se reg het n persoon as hy die lewe van n ander neem? Tronke sa leeg wees en hy/sy sal nooit weer kan moor of roof nie.
Hoe definieer ‘n mens “misdaad teen die mensdom”? Die algehele morele verval in die land, van korrupsie tot daaglikse moord en die sirkus in die parlement is reeds ‘n misdaad teen die land se inwoners. Die kreupel ekonomie daarby verseël die aanklag. FW de Klerk moes dit gebruik as ‘n teenargument.
Die polisie,gaan nie help want hulle president ontken op internasionale media dat die probleem nie bestaan nie ,die boere sal meer paraat moet word hulle bewapen en voorsorgmaatreels moet tref om hul self en hulle familie veilig te hou .Die aanvallers sien die boere as sagte teikens en dit moet omgedraai word die aanvallers moet die boere vrees soos die terroriste die koevoet gevrees het in die bos oorlog.