Vier persone is Dinsdag oorlede in ʼn skietvoorval by die taxistaanplek in Port Shepstone, KwaZulu-Natal.
“Gewapende mans het ʼn taxi genader en op die insittende losgebrand,” sê brig. Jay Naicker, woordvoerder van die polisie. “Vier van die insittendes is oorlede. Nog vier persone is na ʼn hospitaal geneem met skietwonde.”
Die motief vir die skietery is nog nie bekend nie. Die polisie se ondersoek duur voort.