Selfmoord by HSBC-bank in JHB

HSBC-bank in Maudestraat, Sandton Foto: johannesburgdailyphoto.blogspot.com

Die polisie is tans buite die HSBC-gebou in Sandton, Johannesburg, waar vermoedelik ʼn selfmoord vroeër plaasgevind het.

ʼn Man se liggaam is vroeg Vrydagoggend aangetref, maar die besonderhede is nog nie duidelik nie, berig EWN. Die man het glo na sy dood gespring. Die sekuriteitswagte was besig om die bloed naby die ingang van die gebou weg te spoel toe werknemers begin opdaag het.

Die man het vermoedelik omstreeks 03:00 Vrydagoggend gespring. Sy identiteit is nog nie bekendgemaak nie en werknemers op die toneel weier om te praat.

Die polisie kon nog nie enige besonderhede bevestig nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae