Talle mense is beseer toe twee volgelaaide busse Sondag op die N1, 25km buite Polokwane, teen mekaar gebots het.
“Een bus het agterin ‘n ander bus vasgery,” het Chris Botha, woordvoerder vir Netcare911 gesê. “Die ongeluk het op die N1, langs die Ranch-hotel plaasgevind.” Alle noodpersoneel, insluitend ‘n mediese helikopter, is na die toneel ontbied. “Die aantal beseerdes moet nog vasgestel word,” het Botha bygevoeg.
