Veldwagter, twee vas oor renosterstropery

Drie mans, waaronder ʼn veldwagter, is Dinsdag in hegtenis geneem in verband met die stropery van agt renosters oor die naweek in Noordwes.

Kapt. Paul Ramaloko, woordvoerder van dien Valke, sê die mans is by hulle huise in die Lethabo informele nedersetting naby Brits in Noordwes in hegtenis geneem. Die karkasse van agt renosters is die naweek op die plaas Klipkopspruit gevind. Ramaloka sê die renosters se horings is nie in die mans se besit gevind nie. Die mans, tussen 47 en 59 jaar oud, sal na verwagting Donderdag in die Brits-landdroshof verskyn op aanklagte van renosterstropery. Meer as 230 mense is reeds vanjaar in hegtenis geneem in verband met renosterstropery terwyl meer as 570 renosters reeds vanjaar vir hul horings doodgemaak is.