Die student aan die Sentrale Universiteit vir Tegnologie (SUT) in Bloemfontein wat Saterdag doodgesteek is, se naam is bekendgemaak.
Die 19-jarige Ndleleni Lomo, van Orkney, se liggaam is Saterdagaand in die stad opgespoor.
Kaptein.Chaka Marope, ʼn polisiewoordvoerder, sê Lomo se liggaam is omstreeks 23:00 in Parkstraat gevind. Hy is met ʼn skerp voorwerp in die nek en kop gesteek. Volgens Marope het die student glo van ‘n winkel af huis toe geloop toe hy aangeval is.
Niemand is nog in verband met die voorval in hegtenis geneem nie.
