Versteekte kameras lei polisie tot by “kapers”

Drie mans is Saterdag in Dobsonville, Soweto, in hegtenis geneem vir ‘n beweerde kaping.

Versteekte kameras in die gesteelde bakkie het die polisie na die verdagtes gelei, berig EWN. Die polisie sê die bakkie was besig om sigarette ter waarde van ongeveer R50 000 af te lewer, toe die voertuig Vrydag gekaap is. Die polisie het die versteekte kamera gebruik om die registrasienommer van ‘n minibustaxi te bekom. Die verdagtes het glo dié taxi gebruik om die sigarette af te lewer.

Kay Makhubela, woordvoerder van die polisie, het gesê die vierde verdagte, wat glo die meesterbrein is, is steeds op vrye voet. “Ons ondersoek het ons ook na die perseel gelei waar die sigarette afgelewer is,” het sy bygevoeg.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

Het jy iets op die hart? Maroela Media se kommentaarfunksie word ongelukkig tydelik gesluit tussen 22:00 en 06:00 op Vrydagaande, Saterdae, Sondae en Maandagoggende.

Jy kan steeds op Maroela Media se Facebook-blad en ander sosiale media saamgesels. Nuuswenke kan deur hierdie vorm gestuur word.