Die Britse akteur Bernard Hill, waarskynlik die bekendste vir sy ondersteunende rolle in die lokettreffers Titanic en The Lord of the Rings-trilogie, is Sondag in die ouderdom van 79 dood, het sy agent bevestig.
Hill het onder meer die rol vertolk van kaptein Edward Smith in die Oscar-bekroonde 1997-fliek Titanic en het wêreldwye erkenning gekry vir sy rol as Theoden, koning van Rohan, in twee van die drie The Lord of the Rings-flieks deur Peter Jackson.
Lou Coulson, sy agent, het die akteur se dood Sondag in die vroeë oggendure aan Britse media bevestig.
Vroeg in sy loopbaan was Hill ook te sien in die BBC se 1982-drama Boys from the Blackstuff. Dit het verskeie toekennings ontvang en word steeds hoog aangeskryf as een van die beste voorbeelde van die genre uit die spesifieke tyd.
Hill verskyn ook in die tweede reeks van die kontemporêre BBC-drama The Responder, met Martin Freeman. Dit het Sondag in die Verenigde Koninkryk begin wys.
Op sosiale media het talle akteurs, fliekaanhangers en ander rolspelers in die bedryf hulde aan Hill gebring.
Rest in Peace Bernard Hill – the man responsible for ???????????? most iconic scene in cinematic history.
A sword-day, a red day, ere the sun rises! Ride now, ride now, ride to Gondor! pic.twitter.com/eTWnAlJ6Sb
— Nick Bell (@nickbellofbpl) May 5, 2024
So long to our friend, our king, Bernard Hill.
We will never forget you.
“For he was a gentle heart and a great king and kept his oaths; and he rose out of the shadows to a last fair morning.”
photo by Viggo pic.twitter.com/lxjepm5rUZ
— Elijah Wood (@elijahwood) May 5, 2024