Andrew Fletcher, klawerbordspeler van die Britse elektroniese groep Depeche Mode, is in die ouderdom van 60 dood.
Die groep het Donderdag hierdie nuus in ʼn roerende plasing op Twitter gedeel.
“Ons is geskok en gevul met oorweldigende hartseer met die ontydige heengaan van ons dierbare vriend, familielid en musiekmaat Andy ‘Fletch’ Fletcher.
“Fletch het ʼn ware hart van goud gehad en was altyd daar wanneer jy ondersteuning, ʼn opgewekte gesprek, of ʼn koue bier nodig gehad het.”
Fletcher, wat in 1961 in Nottingham gebore is, was een van die stigterslede van Depeche Mode.
Die groep het meer as 100 miljoen albums verkoop sedert hulle in 1980 begin het, en het wêreldwyd gehore gelok met treffers soos “Personal Jesus” en “Just Can’t Get Enough”. Die groep se laaste ateljee-album, Spirit, het in 2017 verskyn.
Fletcher is in 2020 saam met die ander lede van Depeche Mode in die Rock and Roll Hall of Fame opgeneem.
Medekunstenaars het Donderdag na dié musikant se dood aanlyn hul medelye betuig.
Lol Tolhurst, tromspeler vir The Cure, het gesê dit is “baie hartseer nuus”.
“Ek het Andy geken en hom as ʼn vriend beskou. Ons het as jonger mans baie van dieselfde paaie gekruis. My hart gaan uit na sy familie,” het hy op Twitter geskryf.
Fletcher laat sy vrou en twee kinders agter.
Dankie vir die musiek Andy Fletcher. Dit was lekker, en is nog steeds lekker. Rus In Vrede.
“Faraway” is ‘n gepaste naam. Nêrens in die berig noem hulle eers waarvan die man gesterf het nie.
Time to come and a time to go. When we go we see Jesus
Great band gewees!! Maar waaraan is hy dood?
Seker maar weer n hart aanval…
Die legendariese musiek kunstenaars van die jare 80’s is besig om uit te sterf, Depeche Mode was een van daardie legendes. Sterkte aan sy familie en vriende.
“Just Can’t Get Enough”