Die wêreld in foto’s – 17 Januarie 2020

Foto’s bied ʼn blik op die wêreld wat nie noodwendig in woorde beskryf kan word nie. Beleef al die nuusgebeure, een foto op ʼn slag.

Ivan Frederic van die nasionale Knie-sirkus se “vredesperde” besig met toertjies tydens die 44ste Monte Carlo- internasionale sirkusfees in Monaco. (Foto: Daniel Cole Pool, AP)

ʼn Reisiger met ʼn gesigmasker buite die Beijing-treinstasie. ʼn Tweede persoon is intussen dood aan ʼn nuwe vorm van koronavirus in Sentraal-China. (Foto: Mark Schiefelbein, AP)

Reisigers kyk na ʼn leeu-dans by die Beijingse internasionale lughawe. Met die aanbreek van die nuwe maanjaar op hande het Chinese reisigers Vrydag na treinstasies en lughawens gestroom om aan landswye rituele deel te neem. (Foto: Ng Han Guan, AP)

Die regeringsgebou in Richmond in die Amerikaanse deelstaat Virginia is afgesper in aanloop tot Maandag se byeenkoms deur kampvegters vir wapenregte. Groepe wat ten gunste is van wapenregte vra dat die goewerneur van Virginia se verbod op vuurwapens teengestaan word. (Foto: Dean Hoffmeyer, AP)

Die Olimpiese ringe arriveer per vaartuig in die Japanse stad Tokio waar die Olimpiese Spele van 24 Julie tot 9 Augustus aangebied word. (Foto: Jae C. Hong, AP)

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae