Foto’s bied ʼn blik op die wêreld wat nie noodwendig in woorde beskryf kan word nie. Beleef al die nuusgebeure, een foto op ʼn slag.
ʼn Werker met ʼn masker op maak fietswielvellings in ʼn fabriek in Hangzhou in die ooste van China. Fabrieke koop duisende maskers en liters ontsmettingsmiddels in ʼn poging om hul werknemers teen die Covid-19-virus te beskerm. (Foto: Chinatopix, AP)
Gondels staan in die reën in Venesië, Italië. Venesië se piazzas is leeg, basilieke is toe en gondeliers het nie werk nie sedert die Covid-19-virus uitgebreek het. (Foto: Francisco Seco, AP)
ʼn Hondjie sit agter ʼn troeteldierwinkel se venster in Hongkong. Troetelkatte en -honde kan nie die nuwe Covid-19-virus aan mense oordra nie, maar kan wel positief toets vir lae vlakke daarvan indien hulle dit van hul eienaar kry. (Foto: Kin Cheung, AP)
ʼn Vrou stap deur ʼn rysveld aan die buitewyke van Gauhati, Indië. (Foto: Anupam Nath, AP)
Migrante loop oor ʼn brug in Edirne naby die Turks-Griekse grens. Turkye het onderneem dat geregtigheid sal geskied nadat Griekse owerhede traangas en skokgranate gebruik het om migrante te keer om die grens oor te steek. Griekeland het ontken dat iemand tydens die konflik dood is. (Foto: Darko Bandic, AP)
