’n 105-jarige vrou van die Amerikaanse deelstaat Louisiana het die afgelope naweek ’n wêreldrekord opgestel as die eerste vrou én eerste Amerikaner in haar ouderdomsgroep om die 100 m-wedloop aan te durf.
Julia Hawkins – ook bekend as Hurricane Hawkins – is tans die oudste mededingende vrouenaelloper ter wêreld nadat sy die 100 m-wedloop net onder 1 minuut en 3 sekondes Saterdag by die Louisiana Senior Olimpiese Spele voltooi het.
Hawkins was 100 jaar oud toe sy vir die eerste keer aan ’n wedren deelgeneem het. Sy het tóé reeds ’n wêreldrekord in die 100+-afdeling opgestel, maar hou nou die 105+-rekord. Dié rekord het nog nooit vantevore bestaan nie.
The New York Times het vroeër berig dié bedrywige bejaarde oefen gereeld in haar tuin.
Hawkins meen die wêreldrekord is “maar ’n druppel in die emmer” wanneer dit kom by die wedren van die lewe, berig CBS News.
Hawkins het twee wêreldoorloë oorleef en was 70 jaar getroud voordat haar man, Murray, in die ouderdom van 95 oorlede is.
Bykomende bron: Canadian Running
“This is just a drop in the bucket”: At 105 years old, Julia Hawkins became the first woman and first American in her age group to run 100 meters.
But she says it doesn't compare to the many wonderful things in her life, like her 70-year-long marriage to her husband, Murray. pic.twitter.com/Z18rWKEm5Y
— CBS Mornings (@CBSMornings) November 9, 2021
SHE DID IT! Julia Hawkins is now the only woman and American to establish a 105+ age category World Record in track and field! Story, photos and video clips to come! #NSG2022 #RealSeniorMoments #HurricaneHawkins pic.twitter.com/Qj4DVrx8G2
— NSGA (@SeniorGames1) November 6, 2021
So so pragtig tannie. Lang lewe is net verdiend as jy n goeie hart het.
Ons verdien niks nie. Hierdie lang lewe noem mens genade.
Dis nou ń pragtige storie, om nog op 105jr so ń rekord op te stel, fantasties!!
In die 2016 Kaapstad Marathon het ‘n tagtigjarige man voor my geeindig. Was dit Wally Hayword wat die comrades as tagtigjarige in ‘n kompeterende tyd voltooi het? Moenie ons ou toppies afskryf nie.
Ja. Hy het op 80 die Comrades vir die laaste keer gehardloop. Onder 11-ure klaargemaak, so dit was nog die ou kwalifiserende tyd vir ‘n amptelike brons medalje. Op 79 het hy ‘n uur vinniger gehardloop so toe was hy ver binne die kwalifiserende tyd vir brons. Merkwaardig.
Dis wonderlik, maar sê net bietjie, hoeveel ander atlete het aan die wedloop deelgeneem?
Net twee. Sy en haar skaduwee.
Dis goed om sulke berigte te kan sien.
Op een van die laaste MTB stage races wat ek gedoen het was daar n oom van 83 wat dit ook klaargemaak het (300 km oor 3 dae). Party mense laat my dink ouderdom is n keuse. Goeie motivering vir die jonger generasie wat al op 35 dink hulle is oud.
Gee vir daai tannie n…..koppie rooibos tee.
Tawwie Tannie!!! Bewonder haar ♡