Pa byt krokodil om seun te red

Argieffoto (Foto: Miniformat65, Pixabay)

ʼn Pa het sy seun se lewe gered toe hy ʼn krokodil aan die been gebyt het totdat die reptiel sy seun laat los het.

Die voorval het in Balabac, Palawan in die Filippyne plaasgevind.

Volgens die Daily Mail het die 12-jarige seun saam met sy jonger boetie in ʼn rivier naby hul huis geswem toe die krokodil hom gegryp en onder die water ingetrek het. Die pa, Tejada Abulhasan, het sy seun se krete om hulp gehoor en met ʼn stuk plank by die toneel opgedaag. Hy het die krokodil ʼn paar keer met die plank geslaan, maar die krokodil wou nie Diego laat los nie.

Uit desperaatheid het Tejada die krokodil beetgekry en sy been ʼn paar keer gebyt. Die reptiel het Diego laat los en in die water weggeswem.

Diego is na ʼn hospitaal geneem vir behandeling en is twee dae later reeds ontslaan.

“Daar was soveel adrenalien in my lyf, ek het nie tyd gehad om daaroor te dink nie. Ek het die krokodil geslaan, maar hy wou nie laat los nie. Ek het met hom begin stoei en ons het mekaar in die oë gekyk,” het Tejada gesê, aldus die Daily Mail. “Ek het toe die idee gekry om hom te byt. Ek het sy been gegryp en so hard as wat ek kon gebyt, net soos ʼn Rottweiler.”

Socrates Faltado, woordvoerder vir die streekspolisie, het die voorval bevestig.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

25 Kommentare

jongste oudste gewildste
hendrik

Mooi so ou knerses

humor

Daar is geen fout met die man se tande nie. Dis die regte benadering, gee hom sy eie medisyne.

RHG

Ek lag hard. Knerses! Dankie, Hendrik!

Frikkie

MY NUWE HERO!!!!!

ChrisE

Is die krokodil “ok”? Wonder wanneer die groenes die ou in die hande gaan kry..