Pous kry meer as 50 000 e-posse vir verjaardag

Pous Franciscus. Foto: AP Photo/Andrew Medichini

Pous Franciscus. Foto: AP Photo/Andrew Medichini

Pous Franciscus het Saterdag, op sy 80ste verjaardag, al minstens 50 000 e-posse van gelukwensing gekry.

Die pous het op sy verjaardag met sy normale dagtake voortgegaan en aanbidding saam met kardinale gelei.

“Iets wat lelik en vreesaanjaend lyk, naamlik ouderdom, is die afgelope paar dae in my gedagtes,” het Franciscus tydens ʼn spesiale diens in die Vatikaan se Pauline-kapel gesê.

Volgens Franciscus het ʼn kerkvoog vir hom ʼn opstel van die bekende Romeinse filosoof, Cicero, oor ouderdom gegee. “Oudag sal met ʼn stil voet kom,” het hy die stuk aangehaal. Hy het ook na die Duitse romantiese digter, Friedrich Hoelderlin, verwys, wat gesê het: “ouderdom is vreedsaam en vroom”.

Die pous het sy dag begin deur saam met haweloses ontbyt te eet. Twee vroue en ses mans is genooi. Hy het ook gereël dat sopkombuise koek uitdeel en dat mense wat in skuilings woon, ʼn “klein geskenkie” ontvang.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

16 Kommentare

jongste oudste gewildste
Frikkie Mulder

En volgende jaar op 31 Oktober vier óns verjaarsdag: 500 jaar lank – deur genade alleen, vry van die valse kerk. Dank die HERE vir herders en leraars soos Johannes Calvyn, Martin Luther en ander wat Hy aan sy heilige algemene christelike kerk geskenk het om ons oë weer op Jesus Christus alleen te vestig. SOLI DEO GLORIA!

Pastoor

Ag asseblief. Daars niemand Heilig behalwe God nie. Gelukkig is die dwaalleeraar niks van my nie

Hennie

So hoogheilig en dan is by ‘n vrymesselaar en lid van die “Scull & Bones”.

John

Hoeveel Afrikaanssprekendes is Katolieke? Vir wie is bogenoemde nuus van belang? Die Roomse Kerk wat glo mense kan nie direk tot die Hemelvader bid nie en hul sondes kan net deur self-sondige aardse priesters vergewe word nadat dit aan hulle gebieg is en die pous is die aangewese (deur mense aangewys), verteenwoordiger van die Here op aarde… en goeie werke koop jou plek in die hemel, nie geloof nie… Sjoe! Moet ons die ou oom in sy mini-staat vol van aardse skatte, gelukwens, of wat?

snoefie

ai die dwalinge van die wie sonder kennis oordeel. do zoo voort. julle onkunde het darem vermaakwaarde.