Raaisels oor Ötzi en ‘Adidas-dame’ ontrafel

Foto: Die skoongemaakte “Adidas”-skoene. Bron: Center of Cultural Heritage of Mongolia

Die raaisels oor die oorsake van dood van twee antieke figure wat om verskillende redes opslae gemaak het, is kort ná mekaar ontrafel.

Ötzi die ysman, wie se veryste oorblyfsels hoog in die Alpe gevind is, het 5 300 jaar gelede in die bronstydperk geleef. Sy oorskot en kleredrag is vanuit alle hoeke bestudeer, maar die oorsaak van dood het wetenskaplikes bly ontwyk.

’n Teorie dat hy dood is aan ’n oppervlakkige wond aan sy skouer wat deur ’n pyl met ʼn klippunt veroorsaak is, is nou bewys as nie die oorsaak van dood nie. Die wond kon nie meer as ’n koppie bloed opgelewer het nie. Letsels op sy skedel was ook nie dodelik nie, en is waarskynlik deur valle veroorsaak. Daar is intussen vasgestel hy het verkluim.

Die navorsing is deur prof. Frank Rühli, ’n antropoloog van die Universiteit van Zürich, gelei.

Intussen het navorsers ook vasgestel dat die vrou wat 1 100 jaar gelede in die Altai-berge in Mongolië gesterf het, dood is ná sy ernstige wonde aan haar gesigbene opgedoen het. Dit is onbekend of sy geval het of aangeval is.

Die vonds van haar erg verweerde mummie was opspraakwekkend weens die skoeisel wat sy aangehad het, en wat verbasend na ’n paar hedendaagse Adidas-skoene gelyk het. Noudat die skoene skoongemaak is en die kleure helderder vertoon, is die ooreenkomste met die Adidas-tekkies nog sterker.

Die vonds het ’n jaar gelede wêreldwyd opslae gemaak en heelwat samesweringsteorieë is afgestof en in die sosiale media gepubliseer.

Lees meer in Science News

Lees meer in Siberian Times

Herman Toerien

Meer oor die skrywer: Herman Toerien

Herman Toerien is ‘n veelsydige vryskutskrywer van Bloemfontein. Hy het ‘n Honneurs in Politieke Wetenskap, en kwalifikasies in Politieke Wetenskap, Staatsreg, Arbeidsreg en Ekonomie. Artikels en rubrieke uit sy pen het al in meer as 20 publikasies verskyn.

Deel van: Wêreldnuus

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

10 Kommentare

Cherokee ·

Gaan Adidas nou aangekla word van nabootsing? Hoop nie so nie.

Adoons ·

So, ons weet nou Otzi is nie dood weens ‘n pyl in die skouer nie, ook nie weens ‘n harde hou op die kop nie…. So wat op aarde het dan sy dood veroorsaak? Seker maar ‘n vrou wat hom vergiftig het.

Herman Toerien ·

Jammer Adoons. Hy het verkluim. Die skakels na die oorspronkike artikels is darem verskaf wat heelwat meer inligting bevat. Herman

snoefie ·

die naaldwerk aan daardie skoene….en is die n gespe met eweredige gaatjie in die bandjie?

Elizabeth ·

Ötzi is nou waaraan dood?? Die raaisel is nie opgelos nie!

Nico Strydom ·

Dagsê Elizabeth
Jammer vir die oorsig – hy het verkluim. Die berig is gewysig.
Vriendelike groete

Johann Marx ·

Gaan google tog hierdie onderwerp. Hierdie is NIE die skoene wat die ysman gedra het nie…

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.