Rusland ontken permanente skietstilstand met Oekraïne

Pres. Wladimir Poetin van Rusland

Pres. Wladimir Poetin van Rusland

Rusland, by monde van pres. Wladimir Poetin, het ontken dat daar ‘n skietstilstand met Oekraïne gesluit is, soos vroeër deur die nuusagtentskap Interfax berig is.

Pres. Petro Porosjenko van Oekraïne het boonop ook kort ná Interfax se berig op Twitter bevestig dat so ʼn ooreenkoms bereik is.

Rusland meen hy kan geen party tot so ‘n ooreenkoms wees nie, omdat hy, volgens die amptelike Russiese standpunt, nie ‘n party in die oorlog is nie.

Poetin het wel aangedui dat daar in die telefoniese gesprek tussen hom en Porosjenko “beduidende vordering” gemaak is oor ‘n roetekaart na vrede.

Bron: Reuters

Lees ook:
“Permanente skietstilstand” glo in Oekraïne

Herman Toerien

Meer oor die skrywer: Herman Toerien

Herman Toerien is ‘n veelsydige vryskutskrywer van Bloemfontein. Hy het ‘n Honneurs in Politieke Wetenskap, en kwalifikasies in Politieke Wetenskap, Staatsreg, Arbeidsreg en Ekonomie. Artikels en rubrieke uit sy pen het al in meer as 20 publikasies verskyn.

Deel van: Wêreldnuus

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae