SA vrou in Ierland vas oor dwelms

Argieffoto ter illustrasie (Foto: Unsplash)

’n Jong Suid-Afrikaanse vrou is Sondag in hegtenis geneem nadat sy met byna 3 kg se kristalmetamfetamien by die Dublin-lughawe in Ierland betrap is.

Volgens ʼn berig in The Irish Times is die vrou aangekeer kort nadat sy van haar vlug afgeklim het.

Doeanebeamptes het haar voorgekeer en haar bagasie deursoek waarna op die dwelms, wat ʼn geskatte straatwaarde van meer as R3,2 miljoen (€180 000) het, beslag gelê is.

“Kristalmetamfetamien is ’n relatief skaars dwelmmiddel in Ierland en word gewoonlik in tuisgemaakte laboratoriums vervaardig,” lui die berig.

Dublin Live berig dié 20-jarge vrou is op die toneel in hegtenis geneem en na die Ballymun Garda-polisiestasie geneem, waar sy tans vir ondervraging aangehou word.

Die inhegtenisneming maak deel uit van voortgesette operasies deur die doeane-owerhede om dwelmsmokkelary na die land te probeer bekamp.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

28 Kommentare

jongste oudste gewildste
Sobymykoolkop

Hoop hulle sluit haar vir ewig toe.

Blomme

Dwelms is ń stille moordwapen.

Anel

En die ouens wat haar gestuur het kom skotvry af. Hoe dom of dan seker desperaat is mens. Geld, geld, geld. Ek sal vir ‘n feit nie eens naastenby so iets oorweeg nie.

Hendrik

Jammer of van haar moeilikheid te hoor.

Antoinette

Nou kyk hulle dan nie by OR Tambo nie. As ek ‘n vlug wil neem word alles wat ek by my het geskandeer?