Vanjaar dalk rekordjaar vir groot aardbewings

Verwoesting in Nepal na die aardbewing (April 2015) Foto: Edyta Stepczak/Caritas Australia

Verwoesting in Nepal na die aardbewing (April 2015) Foto: Edyta Stepczak/Caritas Australia

Met Julie amper op sy rug en ’n paar groot aardbewings wat “stil-stil” die afgelope paar dae voorgekom het, is 2015 op koers om een van die jare te wees wat die meeste aardbewings met ’n telling van 7 op die momentmagnitudeskaal kan oplewer.

Daar was vanjaar reeds 11 sulke aardbewings, terwyl die jaar wat sedert 2002 gekenmerk is deur die meeste groot aardbewings, naamlik 2010, altesaam 21 groot aardbewings opgelewer het.

Dit is geen aanduiding van hoë sterftesyfers nie, hoewel vanjaar weens die twee grotes in Nepal wel ook onder die dodelikstes sal tel. Die meeste groot aardbewings was egter ver van bewoonde gebiede af, en geen beduidende tsunami is veroorsaak nie.

Die sterkste aardbewing – die grote in Nepal, het M 7,8 (volgens sommige bronne M 7,9) gemeet, en dus het vanjaar nog geen aardbewing van M 8 of meer opgelewer nie. Verlede jaar, met altesaam 13 aardbewings van M 7 of meer, was daar een wat M 8,2 gemeet het, en die vorige jaar twee van M 8 of meer (met ’n totaal van 18 van M 7 of meer).

So lyk die statistieke vir aardbewings van M 7 of meer sedert 2002:

JaarAantal
 200212
 200314
 200412
 200510
 200610
 200717
 200812
 200916
 201021
 201119
 201214
 201318
201413
Herman Toerien

Meer oor die skrywer: Herman Toerien

Herman Toerien is ‘n veelsydige vryskutskrywer van Bloemfontein. Hy het ‘n Honneurs in Politieke Wetenskap, en kwalifikasies in Politieke Wetenskap, Staatsreg, Arbeidsreg en Ekonomie. Artikels en rubrieke uit sy pen het al in meer as 20 publikasies verskyn.

Deel van: Wêreldnuus

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.