Opgestel deur die Podlitiek-span
Podlitiek is ʼn weeklikse politieke podsending waartydens paneellede die warmste kwessies van die betrokke nuusweek bespreek.
In hierdie week se episode is Frederik, Daniël, Ernst en Paul agter die mikrofone, met twee stories op hul agenda: Die pas afgelope AfriForum/EFF-hofsaak en die afgelope weke se gebeure in Oekraïne.
Daniël en Ernst was self baie betrokke by die haatspraaksaak, en brei in diepte uit oor die doel en verloop van die hofsaak. Hierna volg ʼn bespreking oor sommige vleuels van die hoofstroom Suid-Afrikaanse media se onkundige reaksie op hierdie hofsaak en die verloop daarvan.
Volgende aan die beurt is dit die dreigende oorlog in Oekraïne – hoe het die geskiedenis ons tot hier gebring, en waar trek die hele storie tans? Waarmee is Wladimir Poetin besig, en wat is sy uiteindelike doel? Oor hierdie en nog ander kwessies bied die Podlitiek-span ʼn deeglike porsie kommentaar.
Podlitiek lewer nie die nuus nie, hulle maak dit. Luister Podlitiek.
- Die Podlitiek-span bestaan uit Paul Maritz, Daniël Eloff (Hurter Spies Ing.), Ernst van Zyl (AfriForum) en Frederik van Dyk.