Opgestel deur die Podlitiek-span
In hierdie week se Podlitiek-episode gesels Paul Maritz en Reiner Duvenage oor vrae wat pla en sake wat knaag.
Eerste loer hulle na die nuwe Kieswet, en oorweeg die impak daarvan op die Suid-Afrikaanse kieser.
Volgende kyk hulle na die Vrystaat, waar die ANC-takke skynbaar so sukkel om hulle sake in orde te kry dat die provinsie sy effektiewe deelname aan die nasionale kongres in Desember begin belemmer.
Laastens word Lula da Silva, Brasilië se nuwe president, en die agtergrond van die verkiesing bespreek.
Luister Podlitiek vir hierdie, en meer!
- Die Podlitiek-span bestaan uit Paul Maritz, Ernst van Zyl, Frederik van Dyk en Reiner Duvenage.