Soorte resepte:

Hap saam met Lochner: Blomkool-en-soetmieliegereg

Blomkool-en-soetmieliegereg (Foto: Maroela Media)

Bestanddele

  • 1 koppie blomkoolflorette, half gaargemaak
  • 1 appel, grofgekap
  • spek, in blokkies
  • ʼn handvol suikerertjies
  • roosmaryn, van stingel verwyder
  • marjolein
  • sout en peper
  • 1 blikkie suikermielies
  • 1 k kaas

Metode

  1. Plaas die blomkoolflorette in ʼn oondbak. Gooi die appel, spek en suikerertjies bo op.
  2. Maal die roosmaryn en marjolein saam en sprinkel dit ook bo-oor. Geur met sout en peper.
  3. Smeer die suikermielies oor en sprinkel met kaas.
  4. Bak vir ongeveer 20 tot 25 minute teen 180 °

Kyk in die video hoeveel van elke bestanddeel Lochner byvoeg, en pas dit gerus aan volgens jou persoonlike behoeftes.

Hierdie video is deel van ʼn reeks kosvideo’s wat Maroela Media saam met Lochner de Kock, bekende Suid-Afrikaanse koskenner, vervaardig. Die video’s word weekliks op Maroela Media gepubliseer. Kyk na al die Hap saam met Lochner-video’s op Maroela Media. – Red

Kyk hier hoe Lochner hierdie resep voorberei:

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Bykosse

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae