Soorte resepte:

[Resep] Rys-en-mieliekoekies

Foto: Koskas Kos

Rys-en-mieliekoekies. Foto: Koskas Kos

Volgens Francois Ferreira is dié resep so gewild dat hy dit vir ʼn tweede keer in ʼn resepteboek laat publiseer.

Lewer 4-6 porsies

Bestanddele:

  • 250 ml koekmeel
  • 10 ml bakpoeier
  • 5 ml sout
  • 250 ml gaar rys
  • 250 ml romerige suikermielies
  • 1 geklitste eier
  • 45 ml melk
  • olie vir vlakbraai

Metode:

  1. Sif die meel, bakpoeier en sout saam. Roer die rys, suikermielies en eier deur, en meng goed. Voeg die melk by en roer deur.
  2. Verhit die olie in ʼn pan en skep eetlepels vol van die beslag in die olie. Braai aan weerskante tot goudbruin. Skep met ʼn gaatjieslepel uit en dreineer op kombuispapier. Skep ʼn bolaag van jou keuse bo-op en sit voor.

Bron: Koskas Kos deur Francois Ferreira
Uitgewer: Lapa

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Bykosse

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

4 Kommentare

Uvonka ·

Hierdie koekies is soooo yummy en baie vullend, ek maak dit gereeld, sommer dubbeld en dan is daar genoeg om heeldag aan te peusel!!!!!

Hannah ·

Oe-hoe! Baie dankie hiervoor! Dit is heerlik…sal dit gevries kan word?

Delia ·

Sal sekerlik baie lekker smaak……hoe lyk dit met ‘n paar resepte vir ‘n lekker bolaag?

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.