Soorte resepte:

[Resep] Mediterreense knoffelbrood

mediterreense-knoffelbrood

Foto: Japtrap-braai

Met ’n paar ekstra bestanddele kan ’n knoffelbrood in iets dekadents en propvol geur verander word. As jy tyd wil spaar, koop ’n klaarbereide knoffelbrood van goeie gehalte.

Genoeg vir 6-8 mense

Bestanddele:

  • 1 groot klaarbereide knoffelbrood

Vulsel

  • 1 x 125 g-pakkie basiliekruidpesto
  • 12-18 snytjies mozzarellakaas
  • 1 x 240 g-pakkie songedroogde tamatiekwarte in olie en asyn, gedreineer
  • handvol swart olywe, ontpit en gekap
  • varsgemaalde swartpeper

Metode:

  1. Maak die knoffelbrood oop en smeer van die basiliekruidpesto aan een kant van die snytjies in die brood.
  2. Plaas ’n snytjie kaas, 1 of 2 tamatiehelftes en ’n paar olyfstukkies tussen die broodsnytjies. Geur met swartpeper.
  3. Vou weer die knoffelbrood in die aluminiumfoelie toe.
  4. Bak dit oor ’n lig tot matige warm gasvlam of kole vir 15-20 minute tot die kaas gesmelt en die brood deurwarm is. Sit dadelik voor.

Bron: Japtrap Braai
Uitgewer: Random House Struik

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Bykosse, Gebak

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae