Soorte resepte:

Ontbyt uit die oond

Lewer 6 – 8 porsies

12 varkworsies
3 uie, geskil en in wiggies gesny
1 groen soetrissie, ontpit en in breë repe gesny
1 rooi soetrissie, ontpit en in breë repe gesny
30 ml (2 e) olyfolie
‘n paar takkies vars roosmaryn
sout en varsgemaalde swartpeper na smaak
12 bruin sampioene, in kwarte gesny
250 g kersietamaties
60 ml (¼ k) basiliekruidpesto

1. Voorverhit die oond tot 200°C.
2. Plaas die worsies en uie in ‘n vlak oondpan en sprinkel die olie en roosmaryn oor. Geur na smaak.
3. Braai dit sowat 30 minute lank en skud die pan elke nou en dan.
4. Voeg die soetrissies, sampioene en tamaties by en braai nog 30 minute of tot die worsies gaar is.
5. Roer die pesto by en geur na smaak.
Bedien met dik skywegebotterde roosterbrood.

Resep oorspronklik gepubliseer in Spogresepte van die Suid-Afrikaanse Landbou-unie.
Uitgewer: Lapa
Prys: R225,00*
* Prys onderhewig aan verandering

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Koolstoof

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae