Soorte resepte:

Resep: Kerrie-sampioensop

kerrie-sampioensop

Foto: Wenresepte 1

Dis dik, geurig en baie spesiaal. Dis die gunsteling van die akteur met die blou oë – Paul Newman.

Lewer 6 porsies

Bestanddele:

  • 90 g (100 ml) botter of margarien
  • 5 ml kerriepoeier
  • 500 g sampioene, gehalveer
  • 25 g (50 ml) koekmeelblom
  • I blik (295 g) beesvleissop
  • 750 ml melk
  • sout en peper na smaak

Metode:

  1. Smelt 70 g (85 ml) van die botter of margarien in ’n groot pan, voeg die kerriepoeier by en braai’n paar sekondes.
  2. Voeg die sampioene by en braai tot die sampioene ligbruin is. Roer gereeld.
  3. Skep die sampioene uit en hou eenkant.
  4. Voeg die res van die botter of margarien by die sous in die pan en roer die koekmeelblom daarin tot gemeng.
  5. Voeg die sop by en roer tot gemeng.
  6. Roer die melk geleidelik by en kook 8 minute lank.
  7. Roer aanhoudend en geur met sout en peper.
  8. Skep die sampioene net voor opdiening in die sop.

Bron: Huisgenoot Wenresepte 1 saamgestel deur Annette Human
Uitgewer: Human & Rousseau

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Vleis en seekos

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.