Soorte resepte:

[Resep] Pampoensop

Sop

Pampoensop. Foto: Kook saam Kaaps

Hierdie sop laat ’n mens sommer uitsien na die winter!

Lewer 6 porsies

Bestanddele:

  • 1 groot pampoen, geskil en in blokkies gesny
  • 3 aartappels, geskil en in blokkies gesny
  • 1 groot ui, gekap
  • 1 liter hoenderaftreksel
  • 15 ml droë gemengde kruie
  • 10 ml droë pietersielie
  • 125 ml room
  • sout en peper na smaak

Metode:

  1. Meng die pampoen, aartappels, ui en hoenderaftreksel in ’n kastrol.
  2. Verhit tot kookpunt en laat 30 minute liggies prut tot die groente sag is.
  3. Voeg die kruie en room by en roer deur.
  4. Geur met sout en peper.
  5. Sit voor saam met knoffelrolletjies.

Bron: Kook saam Kaaps
UItgewer: Lapa

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Vleis en seekos

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

Rosa ·

Baie dankie vir die heerlike resepte en die kommer rye aflaai. Sukkel my ** af om ander websites oop te kry, net vir ‘n sop resep. Maroela you rock!

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.