Arthur Fils gaan sy debuut vir Frankryk se Davisbeker-span maak.
Die 19-jarige Fils, 46ste op die wêreldranglys, sal saam met die 32ste gekeurde Adrian Mannarino, Ugo Humbert (33ste) en die dubbelspelspesialiste Edouard Roger-Vasselin en Nicolas Mahut in die Franse span speel.
Roger-Vasselin (39ste) sal ook sy debuut maak, terwyl Mannarino (35ste) ʼn onlangse wenner in Newport was.
Fils was ʼn finalis in die Franse Ope se junior enkelspel in 2021 en het saam met Giovanni Mpetshi die dubbelspel gewen. Hy het sy eerste beroepstitel in Mei vanjaar in Lyon behaal.
Frankryk, ʼn tienmalige Davisbeker-wenner, het in 2017 sy laaste titel in die manspankompetisie gewen. Dié land sal Australië, Brittanje en Switserland in Groep B pak van 12 tot 17 September in Manchester.