Carlos Alcaraz (Foto: Matthew Stockman/Getty Images North America/Getty Images via AFP)
Kom reën, kom wind… Niks kon die tennissensasie Carlos Alcaraz keer om Woensdag sy 50ste oorwinning vir dié tennisseisoen te behaal nie en hy het met 7-5, 4-6 en 6-3 met Jordan Thompson in die Cincinnati-meesterstoernooi klaargespeel.
Die 20-jarige Spanjaard mik na sy sewende titel vanjaar, terwyl hy voorberei om die Amerikaanse Ope-titel oor minder as twee weke te verdedig.
Reën het die spelers tydens die eerste stel gepootjie en hulle moes 15 minute wag vir die reën om te bedaar voordat hulle kon voortgaan.
Die eerste stel het byna 90 minute geduur.
Carlos Alcaraz advances, defeating Jordan Thompson. The World #1 advances to the Round of 16.
7-5, 4-6, 6-3.????: @CincyTennis #CincyTennis pic.twitter.com/mXpAzZs8fY
— Kenta Hagiwara (@KentraHagatra) August 16, 2023
Nadat Thompson die tweede stel verower het, het Alcaraz teruggeveg en die derde stel gewen. Thompson het in dié stel in twee potte geen punte aangeteken nie.
“Dit was nie maklik om vir die reën te wag nie,” het Alcaraz ná die wedstryd gesê.
Volgens die wêreld se voorste tennisspeler was nie die begin óf die einde van die wedstryd maklik nie.
“Ek het nog nooit teen hom [Thompson] gespeel nie. Hy het aggressief gespeel, maar ek is bly ek het deurgedruk.
“Ek moes teen die einde my beste gee en hoop vir beter toestande in die volgende rondte.”
Slegte nuus vir Britte
Gael Monfils (Foto: Matthew Stockman/Getty Images North America/Getty Images via AFP)
In ander wedstryde het die Fransman Gael Monfils ʼn oorwinning van 3-6, 6-4 en 6-3 oor die Britte se nommer een, Cameron Norrie, behaal.
Monfils se linkerknie is in die openingstel verbind, maar hy het selfvertroue geput uit die bemoedigende woorde van die fisioterapeut om ʼn oorwinning te verseker.
Brittanje se Dan Evans is ook deur die Italiaanse speler Lorenzo Musetti met 6-4 en 6-3 verslaan.
Dit is nie goeie nuus vir die Britte nie, met Andy Murray wat hom vroeër weens ʼn bestaande buikbesering aan die toernooi onttrek het.
In ander wedstryde het die Duitser Alexander Zverev die voormalige toernooikampioen Grigor Dimitrov van Bulgarye met 6-2 en 6-2 verslaan.
Die 16de gekeurde Zverev het die titel in sy laaste deelname in 2021 opgeëis terwyl Dimitrov die trofee in 2017 omhoog gehou het.
Zverev het in die tweede ronde aangesluit by die voormalige semi-finalis Stan Wawrinka, wat ʼn oorwinning afgestaan het nadat reën sy wedstryd die vorige aand tot ʼn einde gedwing het.
Switserland se driemalige Grand Slam-kampioen het die Amerikaner Brandon Nakashima met 6-3, 6-7 (5/7) en 6-3 geklop en net twee slotwedstryde was nodig om die tweede ronde te wen.
Borna Coric het Petra Korda met 7-6 (7/5) en 6-4 ore aangesit, terwyl Ugo Humbert sy mede-Fransman Arthur Fils met 6-4, 3-6 en 6-2 geklop het.
Garcia uit
Carolina Wozniacki van Denemarke, die no. 1-gekeurde speler, het teëspoed ondervind en ná 96 minute met ʼn telling van 6-4 en 6-4 teen Frankryk se Varvara Gracheva geëindig.
Wozniacki (33) het haar eerste terugkeerwedstryd ʼn week gelede in Montreal gewen voordat sy in die tweede ronde teen die Wimbledon-wenner Marketa Vondrousova verloor het.
Ons Jabeur, driemalige Grand Slam-naaswenner, wat vir die eerste keer gespeel het sedert sy verlede maand se Wimbledon-eindstryd verloor het, het ʼn stryd met Anhelina Kalinina van Oekraïne oorleef om in die derde ronde ’n oorwinning van 6-3, 6-7 (2/7), 7-6 (7/2) te behaal.
Die Amerikaner Sloane Stephens, wat haar 12de toernooi-verskyning gemaak het, het Caroline Garcia met 4-6, 6-4, 6-4 verslaan.
Caroline Garcia (Foto: Aaron Doster/Getty Images North America/Getty Images via AFP)
Die sesde gekeurde Garcia, van Frankryk, het die titel ʼn jaar gelede verower en drie toptien-teenstanders langs die pad verslaan.
All England Club-titelwenner Marketa Vondrousova het Katerina Siniakova met 7-5 en 6-4 geklop.
Die tweemalige Cincinnati-wenner, Victoria Azarenka, het in die tweede stel van 1-4 haar spel herwin en Barbora Krejcikova met 6-3, 7-5 geklop.
Azarenka se mede-dubbele Grand Slam-kampioen Petra Kvitova het Anna Blinkova met 7-6 (7/2), 6-0 geklop.
