Kurt-Lee Arendse is een van die spelers in die Springbokke se Wêreldbekergroep oor wie se insluiting die meeste ondersteuners saamstem.
Hy is ʼn driedrukmasjien, hy is rats en hy staan glad nie terug vir veel groter spelers nie.
Nou het die Bulls hom ook tydens hul toekenningsaand vereer en die 27-jarige agterspeler het met ʼn rits pryse weggestap.
Hy is onder meer die speler van die jaar, die spelers se speler van die jaar en die ondersteuners se speler van die jaar by die Pretoriase franchise.
Arendse is een van daardie spelers wat oor die X-faktor beskik en selfs al het die onweerswolke vroeër vanjaar ná ʼn paar Bulls-sukkelvertonings bo Loftus Versfeld opgesteek, het hy saam met Canan Moodie vir opwinding en ʼn agterlyn-adrenalieninspuiting gesorg.
Safe to say KLA cleaned up at the @Vodacom Bulls awards last night ????
5 in total ???? pic.twitter.com/hagqgo6tcb
— Official Blue Bulls (@BlueBullsRugby) August 9, 2023
Vir die Springbokke het hy reeds tien drieë in sy nege toetse – insluitend ʼn driekuns teen die Wallabies in Pretoria – gedruk en hy kan saam met Cheslin Kolbe ʼn gedugte vleuelkombinasie in Frankryk vorm.
- Wenners by die Bulls se toekenningsgeleentheid:
Curriebeker:
Voorspeler van die jaar: Jan-Hendrik Wessels
Agterspeler van die jaar: Embrose Papier
Speler van die jaar: Embrose Papier
Kampioenebeker:
Voorspeler van die jaar: Johan Grobbelaar
Agterspeler van die jaar: Kurt-Lee Arendse
Speler van die jaar: Kurt-Lee Arendse
Verenigde Rugbykampioenskap:
Voorspeler van die jaar: Ruan Nortjé
Agterspeler van die jaar: David Kriel
Speler van die jaar: Gerhard Steenekamp
Ondersteuners se speler van die jaar: Kurt-Lee Arendse
Spelers se speler van die jaar: Kurt-Lee Arendse
Speler van die jaar: Kurt-Lee Arendse.