Foto: Verskaf.
Vir Jacques “Cappie” Henning en Hein Diemont is daar niks lekkerder as om oor rugby in Afrikaans te gesels nie; en met die Britse en Ierse Leeus in Suid-Afrika is daar ongetwyfeld baie dinge om oor te praat.
Die twee entoesiastiese leunstoel-ondersteuners – een ’n vryskut-sportvideoredigeerder en die ander ’n rekenmeester – is mal oor sport en hulle het Die Losgemaal, ʼn Afrikaanse aanlyn rugbygeselsprogram, van stapel gestuur.
Die konsep van Die Losgemaal behels dat die twee aanbieders ’n “kenner” of huidige/voormalige spelers as gaste nooi en dan met hulle gesels oor die jongste verwikkelinge in die Suid-Afrikaanse rugbylandskap.
Ná die teleurstelling van die eerste toets teen die Britse en Ierse Leeus sal die Springbokke die volgende twee kragmetings móét wen indien hulle met ’n reeksoorwinning wil wegstap.
Heyneke Meyer is die gas op Die Losgemaal. Foto: Lionel Bonaventure/AFP.
En is daar ’n beter persoon om mee te gesels as die voormalige Springbokafrigter Heyneke Meyer?
Meyer praat oor wat vir die Bokke verkeerd geloop het en wat hulle in die tweede toets kan doen om die bordjies te verhang.
Volgens die 53-jarige afrigter verwag hy nie veel nuwe truuks van die Bokke nie, maar dat hulle selfs nog meer op fisieke oorheersing sal konsentreer.
Dankie tog die gas sal seker nie aan verbale diaree ly nie
Hy sal seker presies weet wat fout is, veral ná die Springbokke se epiese nederlaag teen Japan tydens sy tyd as bokbreier.