Orgideë nie bestand teen Pepervreters

Ondanks moedige teenstand in die eerste helfte was die Orgideë op die duur nie bestand teen die Pepervreters se aanslag nie.

Colombia het die Suid-Amerikaanse B-kampioenskap die vierde jaar op die ry af gewen, deur Venezuela in Medellín, Colombia, met 53-15 te verslaan.

Hy sal aanstaande jaar saam met die Argentynse Vyftiental, Uruguay, Brasilië, Chili en Paraguay sake in die nuwe Suid-Amerikaanse Sesnasiesreeks uitspook.

Die Venezolane was rustyd slegs met 15-19 agter, maar kon nie die pas in die tweede helfte volhou nie.

Die wenspan het nege drieë gedruk, maar kon net vier daarvan verdoel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae