Wat gaan aan in Bulls-wêreld?
As die Curriebekerspan nie sleg teen die Pumas verloor nie, dan val die Verenigde Rugbykampioenskap-groep teen die Lions vas. Gisteraand het Tukkies hul vierde nederlaag op ʼn streep gely toe hulle teen die NWU-Pukke in Pretoria verloor het.
Die eindtelling was 26–22 in die Potchefstromers se guns.
- Puntemakers:
NWU-Pukke: Drieë: Tino Swanepoel (2), Keano Windvogel en Theuns Pretorius. Doelskoppe: Zinedine Robinson (2).
Tukkies: Drieë: Allister Williams, Lincoln Daniels en Ethan Burger. Doelskop: Walter Visser. Strafskop: Visser.
Maties wen puntefees teen Wits
Die Universiteit van Witwatersrand (Wits) het so byna-byna ʼn reuseagterstand teen Maties in Johannesburg uitgewis, maar toe die eindfluitjie blaas, was dit die besoekers wat die kragmeting met 56–54 gewen het.
Maties het ʼn lekker voorsprong van 40–19 in die eerste helfte opgebou en hulle het waarskynlik gedink dat hulle hierdie wedstryd op ʼn drafstap sou wen.
Tog het die tuisspan uitstekend terugbaklei en hulle het vier drieë gedruk toe die spel hervat is. Jurie Matthee het egter die tweestryd vir die besoekers met sy stelskoppoging beklink.
- Puntemakers:
Maties: Drieë: Siyabonga Ngubelanga (2), Matthew van Schalkwyk, Grant de Jager, Waqar Solaan en Maselino Pooe. Doelskop: Jurie Mathee. Strafskoppe: Mathee (4).
Wits: Drieë: Azi Afrika (2), Wernich Aucamp (2), Mark Snyman en Lindo Mcusane. Doelskop: Gerswin Mouton. Strafskop: Mouton.
FULL TIME and @WitsSport stage and incredible comeback only to be deied at the death by a @MatiesSport penalty. The maroon machine win an epic contest by 2 points.
FNB Wits 54 – 56 FNB Maties#RugbyThatRocks proudly brought to you by @FNBSA , @SteersSA and @Suzuki_ZA pic.twitter.com/xDsVggoSLb
— Varsity Cup (@varsitycup) March 13, 2023
Ikeys swaai die septer in Kaapstad
Ikeys het waardevolle punte ingeoes toe hulle die Shimlas met 29–12 in Kaapstad getroef het. Die tuisspan het vier drieë gedruk teenoor die twee van die besoekers.
Die Kapenaars het ʼn goeie voorsprong van 24–0 opgebou en hoewel die Vrystaters hul bes gedoen het om ʼn terugvegpoging van stapel te stuur, het Ikeys net te veel skietgoed gehad.
- Puntemakers:
Ikeys: Drieë: Rethabile Louw, Brian le Roux, Kyle Lamb en Lezane Davis. Doelskoppe: Ntokozo Makhaza (3). Strafskop: Makhaza.
Shimlas: Drieë: Kwezi Dlamini en Frank de Reis. Doelskop: Ethan Wentzel.
Ixias oorrompel UJ
Die Sentrale Universiteit vir Tegnologie (CUT Ixias) is besig om sy stempel dubbel en dwars op die toernooi af te druk nadat hy gisteraand met die Universiteit van Johannesburg (UJ) weg van die huis klaargespeel het.
Die Bloemfonteiners het sewe drieë gedruk om die wedstryd met 54–12 te wen.
- Puntemakers:
Ixias: Drieë: Ricoman Titus (3), Zachary Bester (2), Jacobus Cloete en Matthew Sekele. Doelskoppe: Tyler Sefoor (6). Strafskop: Sefoor.
UJ: Drieë: Peter Pohlmann en Prince Nkabinde. Doelskop: Jonathan Viljoen.
FULL TIME and @cutfsonline have run rampant in Joburg. The Ixias were relentless on attack and applied sustained pressure to run in 7 tries against the orange army.
FNB UJ 12 – 54 FNB CUT#RugbyThatRocks proudly brought to you by @FNBSA , @SteersSA and @Suzuki_ZA pic.twitter.com/iEMTDACXXU
— Varsity Cup (@varsitycup) March 13, 2023
- Punteleer:
- NWU-Pukke: 17 punte
- Ixias: 15 punte
- Maties: 14 punte
- Wits: 12 punte
- Ikeys: 11 punte
- Shimlas: 10 punte
- UJ: 7 punte
- Tukkies: 4 punte
Mooi Pukke, doen so voort.