Die Sharks kon darem vir plaaslike rugbyliefhebbers ʼn rede gee om te glimlag toe hulle hul man weg van die huis teen Edinburgh kon staan.
Die KwaZulu-Natallers het in die tweede helfte ʼn voorsprong van drie punte danksy ʼn Curwin Bosch-strafskop opgebou, maar hulle moes later bontstaan om die een Skotse aanslag na die ander op hul doellyn af te weer. Maar toe die eindfluitjie uiteindelik ná 86 minute blaas, het hulle as oorwinnaars van die veld gestap.
Die eindtelling was 22 – 19 in hul guns.
Ondanks hul nederlae is die Stormers (tweede) en die Bulls (vierde) steeds die voorste Suid-Afrikaanse spanne op die Verenigde Rugbykampioenskap-punteleer.
Die Sharks is in die agtste plek met 33 punte, maar hulle het ʼn paar wedstryde minder as die ander spanne gespeel.
Die Lions wat met 43 – 29 teen Connacht vasgeval het, is 12de op die punteleer.
- Puntemakers:
Sharks: Drieë: Grant Williams, Marnus Potgieter en Kerron van Vuuren. Doelskoppe: Curwin Bosch (2). Strafskop: Bosch.
Edinburgh: Drieë: Adam McBurney (2) en Henry Immelman. Doelskoppe: Charlie Savala (2).
- VRK-punteleer:
- Leinster: 61 punte
- Stormers: 45 punte
- Ulster: 43 punte
- Bulls: 40 punte
- Glasgow Warriors: 39 punte
- Munster: 37 punte
- Benetton: 34 punte
- Sharks: 33 punte
- Edinburgh: 31 punte
- Connacht: 30 punte
- Cardiff: 29 punte
- Lions: 24 punte
- Ospreys: 24 punte
- Scarlets 22 punte
- Dragons: 18 punte
- Zebre: 5 punte
Lyk my Leinster is die Crusaders van hierdie kompetisie. Te betwyfel of hulle sommer weer in die uitspeelfases gaan vasval in Ierland soos verlede jaar. Heel onwaarskynlik.