Rugby
- Die eerste twee wedstryde in die Rugbykampioenskap van 2018 word die naweek gespeel. Saterdag speel Australië om 11:45 teen Nieu-Seeland. Die All Blacks het hul sterks moontlike span gekies vir die kragmeting. Die slot Sam Whitelock sal in sy 100ste toets speel. In die tweede wedstryd om 17:05 meet Suid-Afrika in Durban kragte met Argentinië. Die Springbokspan word vandag bekend gemaak.
- In die Curriebekerreeks speel die Pumas môre om 17:00 teen Griekwas in Mbombela. Die skeidsregter is Rasta Rasivhenge. Die Vrystaat speel môre om 19:00 teen die Blou Bulle in Bloemfontein. Die skeidsregter is Dan Jones. Vir die Vrystaat is Rudy Paige as nommer 9 gekies, Tian Schoeman as 10, William Small-Smith as 11 en Nico Lee as 12.
- Intussen is die Cheetahs se voorry, Ox Nche, aangewys as die Cheetahs se PRO14-speler van die 2017-’18-seisoen.
- Die Internasionale o.18-Rugbytoernooi word Saterdag op Nuweland voortgesit. Die Suid-Afrikaanse Skolespan speel teen Engeland terwyl Frankryk en Wallis mekaar takel.
Krieket
- Die derde toets van vyf tussen Engeland en Indië begin Saterdag op Trent Bridge. Engeland het die eerste twee toetse gewen en loop met 2-0 voor in die reeks van vyf toetse.
- Krieket Suid-Afrika het drie nuwe spelers ingesluit in die Suid-Afrikaanse vrouespan vir die toer na die Wes-Indiese Eilande in September en Oktober. Tumi Sekhukhune, Saarah Smith en Robin Searle sal deel wees van die groep wat in vyf T20-wedstryde en drie Eendagwedstryde in aksie sal wees.
Tennis
- By die Cincinnati Meesters was daar oorwinnings vir (2) Roger Federer, (7) Marin Čilić asook (10) Novak Djokovic. Suid-Afrika se (6) Kevin Anderson het in die ronde van 32 teen Jeremy Chardy gespeel en met 7-6 en 6-2 geseëvier. (3) Alexander Zverev is egter deur Robin Haase uitgeskakel.
- In die Vroue-enkelspel het (2) Caroline Wozniacki haar stryd gewonne gegee teen Kiki Bertens weens ʼn besering.
Gholf
- In die Sonskyn-reeks in Suid-Afrika het die spelers vanoggend begin afslaan in die Vodacom-toernooi op die Zebula Gholflandgoed in Limpopo. Zander Lombard, James Kamte en Jaco van Zyl is van die bekendes wat in aksie sal wees.
- Op die Europese toer begin die Nordea Meesters vanoggend in Swede. Thomas Aiken en Jaques Kruyswijk slaan 07:30 af. Van die ander Suid-Afrikaners wat hul staal gaan toon, sluit in Peter Karmis en Justin Walters.
- In Amerika slaan die spelers later vandag af in die Wyndham Kampioenskap in Greensboro. Ernie Els, Retief Goosen, Rory Sabatini en Tyrone van Aswegen sal Suid-Afrika verteenwoordig.
Netbal
- Die Varsity Netbaltoernooi begin aanstaande naweek in Port Elizabeth. Vier wedstryde sal op 26 en 27 Augustus gespeel word.
Hokkie
- Die CTM Premierliga in Randburg word die naweek voortgesit. Elkeen van die ses mans- en vrouespanne het tydens die eerste ronde verlede week twee wedstryde gespeel.
Sokker
- In die plaalike Premierliga is gisteraand een wedstryd afgehandel.
Orlando Pirates 0–1 Bidvest Wits
- Maritzburg United speel môre om 20:00 teen Kaizer Chiefs.
