‘Marsman’ dr. Japie van Zyl se lesing in SA vanaand oor internet uitgesaai

Dr. Japie van Zyl (Foto: NMMU)

Dr. Japie van Zyl (Foto: NMMU)

Die bekende dr. Japie van Zyl van NASA JPL in Pasadena, Kalifornië, se lesing vanaand in die Bloemfonteinse planetarium word weens die oorweldigende belangstelling regstreeks met ’n webkamera opgeneem en oor die internet uitgesaai.

Twee opeenvolgende vertonings moes gereël word om slegs ’n gedeelte van diegene wat die lesing wou bywoon te akkommodeer, waarop toe op die opname en regstreekse uitsending besluit is.

Die titel van die lesing is: “Die gebruik van robotika in die verkenning van die sonnestelsel” en die uitsending begin vanaand (Saterdagaand) om 18:45 vir 19:00 by http://livestream.ufs.ac.za/

Dr. Van Zyl, ’n Namibiër en oud-Matie het veral bekendheid verwerf weens sy intense betrokkenheid by die landing van Nasa se robottuig, Curiosity, op Mars. Hy is ook die eerste Sondag van elke maand ’n deelnemer aan Hennie Maas se gewilde program op RSG, Sterre en Planete.

Herman Toerien

Meer oor die skrywer: Herman Toerien

Herman Toerien is ‘n veelsydige vryskutskrywer van Bloemfontein. Hy het ‘n Honneurs in Politieke Wetenskap, en kwalifikasies in Politieke Wetenskap, Staatsreg, Arbeidsreg en Ekonomie. Artikels en rubrieke uit sy pen het al in meer as 20 publikasies verskyn.

Deel van: Ruimte

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae