Resep: Arno Jordaan se hoendernoedelgereg

Arno Jordaan se hoendernoedelgereg (Foto: Lapa Uitgewers)

Die sanger, Arno Jordaan, se hoendernoedelgereg is die perfekte dis om tydens jou volgende braaikuier op te dien.

Lewer 6 porsies

Bestanddele

• 1 heel gaar hoender, fyngesny
• 500 ml (2 k) gaar, klein skulpienoedels
• 125 ml (½ k) mayonnaise
• 55 g (1 pakkie) sampioensoppoeier
• 440 g (1 blik) pynappelstukkies met sap
• 125 g (1 pak) tamatiegeur-skyfies, fyngemaak

Metode

1. Meng hoenderstukkies en noedels in mengbak.
2. Meng mayonnaise, sampioensoppoeier en sap van pynappelstukkies tot glad en roer by hoendermengsel.
3. Voeg pynappelstukkies by hoendermengsel en roer deur.
4. Skep hoendermengsel in oondbak wat met kossproei gespuit is.
5. Sprinkel fyngemaakte skyfies bo-oor.
6. Bak vir 30 minute tot souserigheid verdik het.
7. Sit saam met ʼn mengelslaai voor.

Bron: Sterkos
Uitgewer: Lapa