Met Maroela Media en kykNET se sepiegids kan jy weekliks ʼn voorsmakie kry van die gebeure in jou gunstelingsepie.
Binnelanders
Weeksdae om 19:30 op kykNET
Maandag 4 September
At waarsku Conrad teen Dawid, en Conrad besef hy het iemand se vertroue geskend. ʼn Nuwe bestuurder vir die oorplantingseenheid word aangestel.
Dinsdag 5 September
Conrad neem ʼn moeilike besluit. Uys is vasberade om sy verhoudingstaktiek te verander, en ʼn ongewenste besoeker daag op. Daleen moet die stand van sake aanvaar.
Woensdag 6 September
Conrad het sy bedenkinge oor iemand en Tracy gee hom perspektief. Daleen voel skuldig en neem ʼn besluit. Febé volg goeie raad, en Uys moet voorgee hy is opgewonde.
Donderdag 7 September
Daleen is woedend wanneer Tertius haar konfronteer. Conrad tree vreemd by die oorplantingseenheid se bekendstelling op, en Nicolette maak ʼn skokkende ontdekking.
Vrydag 8 September
Louis moet slegte nuus aan At oordra, Daleen beskuldig Tracy en hulle rusie lei tot verdere spanning. Bonnie ontdek Uys se geheim.
Suidooster
Weeksdae om 18:00 op kykNET en 18:30 op kykNET&kie
Maandag 4 September
Kate stem in dat Angie ʼn daknatmaak-partytjie mag hou, terwyl Bridgette die probleem met haar paspoort probeer oplos. Almal is besorg oor Brendan.
Dinsdag 5 September
Carlo weet nie herwaarts of derwaarts nie, terwyl Aiden ʼn tweede kaartjietrekking vir die Rugbywêreldbeker aankondig. ʼn Nuwe gesig stel homself aan Ruiterbosch bekend.
Woensdag 6 September
Lee-Ann wil vir die Thulis van die brief vertel, maar Ty stem nie saam nie. Elana kry Angie voor stok oor hoe sy Wade behandel terwyl Mymoena ʼn bevlieging kry en almal verras.
Donderdag 7 September
Wade maak ʼn groot opoffering vir Angie, terwyl Kate en Justin moet maak of hulle in ʼn verhouding is. Bennie vind ʼn leidraad, maar sal hy die moed hê om dit met Siya en Danni te deel?
Vrydag 8 September
Rassie probeer met alle mag na Kate vry, terwyl twee van Ruiterbosch se inwoners gereed maak om Frankryk toe te vlieg. Danni is op die oorlogspad.
Diepe waters
Maandae tot Donderdae om 18:30 op kykNET
Maandag 4 September
Wim en Sanet erken ʼn ongemaklike waarheid, maar hul planne word vieslik in die wiele gery. Rossouw moet vir Gys inlig oor Charity se realiteit.
Dinsdag 5 September
Gys se verrassing lei tot onsteltenis. Charity kies ʼn sondebok wat sy blameer vir haar reaksies. ʼn Vreemde karakter hou die gemeenskap fyn dop.
Woensdag 6 September
Wim probeer iets aan sy skuldgevoelens doen. Charity se verhoudings begin Karla jaloers maak. Pam word deur Rossouw gekonfronteer. Bybie deel slegte nuus.
Donderdag 7 September
Wim en Sanet moet oor verbode vrugte praat, en dit is nie ʼn maklike gesprek nie. Karla besef sy gaan iets oor haar emosies moet sê. Zelda en Bybie leef in vrees.
Arendsvlei
Maandae tot Donderdae om 19:30 op kykNET&kie
Maandag 4 September
Beatrice vertel die polisie van die gat by die heining en die verdagte kar buite die skool. Bianca maak vrede met Zyla en Saartjie. Lennie pak die gimnasium op ná Bompie Desmond se geld kom soek.
Dinsdag 5 September
Die situasie by die skool raak toenemend gevaarlik en Beatrice moet iets daaromtrent doen. Lennie groet vir eers die Vlei. Saartjie word al hoe meer agterdogtig oor Zyla.
Woensdag 6 September
Thys gee Bianca goeie raad oor haar suster se sake-aanbod. Die Cupidos versterk veiligheidsmaatreëls by die skool. Dawn vertel vir Clint ʼn paar ontstellende dinge oor Abigail.
Donderdag 7 September
Beatrice neem ʼn besluit oor haar en Clint. Zyla manipuleer vir Bianca. Leerders en onderwysers voel onveilig by die skool.