Met Maroela Media en kykNET se sepiegids kan jy nou weekliks ʼn voorsmakie kry van die gebeure in jou gunstelingsepie.
Kristien en Amanda van ‘Getroud met rugby’. (Foto: Skermgreep)
Binnelanders
Weeksdae om 19:30 op kykNET
Maandag 21 Februarie
ʼn Blosende interaksie en ʼn noodsaaklike ontmoeting kan die toekoms voorspel. Conrad vra vir At die vraag waaraan baie mense dink, en Naomi probeer Louis moed inpraat.
Dinsdag 22 Februarie
ʼn Klag van moord noodsaak die Kosters om tot aksie oor te gaan. Annelize begin wonder of ‘n parasiet nie die oorsaak is van ʼn siekte wat by Binneland-kliniek die ronde doen nie, terwyl ʼn ontmoeting nie Louis se goedkeuring kry nie.
Woensdag 23 Februarie
Daar word op Elise se knoppie gedruk om te red wat daar te redde is. Louis hoor met afgryse wat Delia se planne is, terwyl Annelize ontstellende nuus ontvang.
Donderdag 24 Februarie
Gaby is vies oor haar en Ayanda se take vir die dag, terwyl Louis en Naomi verskillende sienings het oor die toekoms van ʼn baba. Volgens Annelize is daar beslis iets in die water.
Vrydag 25 Februarie
At probeer nog een laaste keer ʼn wonderwerk verrig. Water veroorsaak chaos, terwyl daar wrywing is tussen Ayanda, Karen en Gaby. ʼn Kramp veroorsaak bekommernis.
Suidooster
Weeksdae om 18:30 op kykNET en kykNET&kie
Maandag 21 Februarie
Bennie bring vir Mrs J goeie nuus, terwyl daar ʼn wêreld vol moontlikhede voor Mymoena oopgaan. Tim buig agteroor om Nazeem tevrede te stel, en Justin besluit genoeg is genoeg.
Dinsdag 22 Februarie
Justin kom uit met die hele sak patats, terwyl AB nie gelukkig is as hy van Mymoena se planne hoor nie. Rhafiek kom tot ʼn besef.
Woensdag 23 Februarie
Samantha is vasberade om vir Justin by Susan af te rokkel, en Ty is opnuut bekommerd oor Carlo en die talentkompetisie. Bridgette ontbied Mymoena om te praat oor die pos by JPD.
Donderdag 24 Februarie
Justin en Susan vermoed daar is ʼn slang in die gras, terwyl dit Mymoena se eerste dag by JPD is. Ty is bekommerd oor Carlo en Rhafiek vlieg vir Kaashifa in.
Vrydag 25 Februarie
Mymoena kry haar familie voor stok, maar hulle stel haar weer teleur. Kaashifa praat haar mond verby en Samantha pluk aan Susan se hartsnare vir simpatie.
Getroud met rugby
Weeksdae om 18:00 op kykNET
Maandag 21 Februarie
Petro hardloop weg. Ashton trek by Ryno in. Candice deel ʼn video oor haar aanvaller.
Dinsdag 22 Februarie
Die ongemaklikheid tussen Simon en Lulu raak ondraaglik. Johan ontmoet vir Petro. Candice het ʼn afspraak met haar aanvaller se eksvrou.
Woensdag 23 Februarie
Petro deel haar hartsbegeerte met Buks en Nesie. Nico vind uit van die soen. Ryno en Ashton se verhouding blom.
Donderdag 24 Februarie
Buks en Nesie is bekommerd dat Petro té geheg aan hulle raak. Lulu straf vir Simon. Amanda en Kristien se koue oorlog vat weer vlam.
Vrydag 25 Februarie
Simon probeer om tot Lulu deur te dring. Petro en Johan het sterre in hulle oë. Pine stel ondersoek oor Amanda se doen en late in.
Arendsvlei
Maandag tot Donderdag om 19:30 op kykNET&kie
Maandag 21 Februarie
Janice is moeg van Lionel se impulsiewe gedrag en neem ʼn drastiese besluit. Daniel en Beatrice baklei oor Angel se plek in die Cupido-huishouding.
Dinsdag 22 Februarie
Daniel neem ʼn drastiese besluit oor sy en Angel se toekoms. Lionel is desperaat om sy liefde aan Janice te bewys. Ayesha en Ezra vind ontstellende nuwe inligting oor Ruby en Denise uit.
Woensdag 23 Februarie
Beatrice en Gertie is desperaat om alternatiewe blyplek vir Angel te vind. Ayesha probeer om meer inligting te kry oor Denise en Ruby, maar dinge raak al hoe meer agterdogwekkend.
Donderdag 24 Februarie
Janice antwoord Lionel se huweliksaansoek op ʼn onverwagte manier. Langes besluit om Lennie meer van Eva se verlede te vertel. Ingrid maak ʼn aanbod wat Dominee skok.
