[Video] Só maak jy ʼn bed vir jou honde-kind

Foto: ‘n Skermskoot uit die video.

In vandag se episode wys Suzelle DIY jou hoe om ʼn bed vir jou honde-kind aanmekaar te slaan. Al wat jy nodig het, is ʼn ou trui, kussingstopsel, ʼn kussing en ʼn bietjie wol.

Dit is ʼn maklike dog spesiale manier om jou viervoetige kind te bederf en selfs mense wat nie seker is hoe ʼn naald en garing werk nie, sal nie te veel sukkel nie.

Die inspirasie vir dié idee is sekerlik afkomstig van die gas wat sy verskyning maak op vandag se episode. Aanvanklik is Suzelle nie in haar skik met die gas wat Marianne moes reël nie, maar dié besoeker is so sjarmant dat hy gou Suzelle se hart wen.

Lees alle vorige berigte oor Suzelle DIY op Maroela, sluit by haar YouTube-kanaal aan of besoek haar Facebook-blad.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

5 Kommentare

Merle ·

Baie, baie oulik dankie! Ek het net gister na hondebeddens gekyk en dit was te duur vir my – R1000 – R1400!

E.K. ·

Reg vir kleinerige hond maar beslis nie vir labbie in die video nie, hy/sy val oral af aan die kante. Dalk vir spanjoel of klein hondjies

Jaco ·

Suzelle bly my kampioen – ek hang aan haar lippe. Haar lus vir die lewe is aansteeklik. Hou so aan, Suzelle! Jy maak my lewe beter.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.