Skermgreep uit die video
Wanneer mens werklik passievol is oor iets, kan niks jou keer om dit te bereik nie. Alhoewel mens soms hindernisse teëkom, is al wat saak maak hoe jy dit oorkom.
Dit is opnuut bewys in ʼn video van ʼn groep mans wat ondanks alles steeds sokker speel.
ʼn Spel soos sokker vereis dat die deelnemers maklik moet kan rondbeweeg, maar dié groep bewys dat hulle dit selfs met krukke kan regkry!
Die video is verfilm deur die World Amputee Football Federation en is op Twitter gedeel deur Santosh Singh. Dit wys ʼn sokkerwedstryd tussen Spanje en Engeland vir atlete met gestremdhede.
Hulle is almal baie entoesiasties en laat nie toe dat hul gestremdhede hul hoegenaamd keer nie. Die sokkerspelers skop die bal, teken doele aan en vier oorwinnings met hul spanmaats.
“Die mens se geesdrif ken geen perke nie,” lui die beskrywing by die video.
Kykers het die atlete geloof vir hul pogings en ʼn besonderse sokkerwedstryd. “Ek is dol oor hul energie!” skryf een persoon.
Human spirit has no limits pic.twitter.com/QyK6TjamvC
— Santosh Singh (@SantoshSinghIPS) January 15, 2023
waar daar n wil is…inspirasie vir my wat so graag op die bank sit