Soorte resepte:

[Video] Hap saam met Lochner: Vrugtepannekoek

Lochner de Kock (Skermgreep uit die video)

Bestanddele:

Pannekoek

  • 2 k meel
  • 2 eiers
  • 1 k melk
  • 1 k sodawater
  • sout
  • 1 appel
  • olie

Vulsel

  • 1 nartjie
  • 1 piesang
  • demerara-suiker (sagte, donkerbruin suiker)
  • room
  • kaneel

Metode:

Pannekoek

  1. Meng meel, eiers, melk, sodawater en sout in ʼn mengbak saam en roer goed.
  2. Rasper ¾ appel in die mengsel in en roer weer.
  3. Doop ʼn die ander kwart van die appel in bietjie olie en smeer die warm pan daarmee vir geur.
  4. Gooi genoeg beslag in pan om die bodem te bedek.
  5. Bak in die pan tot klein lugborrels vorm en kante begin wegtrek van die pan af.

Vulsel

  1. Sny nartjie, en piesang in growwe stukke.
  2. Strooi suiker oor die vrugtemengsel.
  3. Gooi room by en meng.
  4. Skep vrugtevulsel op pannekoek en vou die pannekoek in twee.
  5. Gooi room en kaneel oor die pannekoek.
  6. Bedien dadelik.

Sien gerus in die video hoeveel van elke bestanddeel Lochner byvoeg, en pas dit gerus aan volgens jou persoonlike behoeftes.

Hierdie video is deel van ʼn reeks kosvideo’s wat Maroela Media saam met Lochner de Kock, bekende Suid-Afrikaanse koskenner, vervaardig. Die video’s word weekliks op Maroela Media gepubliseer. Sien al die Hap saam met Lochner-video’s op Maroela Media. -Red

Kyk hier hoe Lochner hierdie resep voorberei:

Een kommentaar

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.