Soorte resepte:

[Resep] Koeskoesslaai met kaas en vrugte

(Foto: Lapa-uitgewers)

Perfek vir die warm weer!

Lewer 4 tot 6 porsies

Bestanddele

  • 375 ml (1½ k) appelsap
  • knippie fyn kaneel
  • 250 ml (1 k) koeskoes
  • 60 ml (4 e) avokado-olie
  • 100 g (1 pakkie) pekanneute, grofgekap
  • 8 gedroogde pere, fyngekap
  • 125 ml (½ k) granaatpitte (opsioneel)
  • 125 ml (½ k) vars bloubessies
  • 250 g (1 pakkie) aarbeie, gehalveer
  • 2 skywe fetakaas, in blokkies gesny
  • 15 ml (1 e) gekapte vars pietersielie
  • 2 grasuie, gekap

Metode

  1. Verhit appelsap en kaneel in kastrol tot kookpunt.
  2. Verwyder kastrol van hitte. Voeg koeskoes by en laat staan vir 10 minute.
  3. Roer koeskoes met vurk deur tot los van mekaar. Roer olie by en laat verder afkoel.
  4. Voeg oorblywende bestanddele by en roer liggies deur.

Bron: Vinnig en maklik: Resepte uit Vrouekeur 3

UitgewerLapa